_blog: 2006

11.20.2006

炸彈威脅

希望今日收既呢個紅色炸彈, 係今年既last 一單喇..

自從十月起~ 每半個月便要去一次飲宴~ 朋友結婚是一件開心事~ 值得高興~
不過一想起又要付出入場費~ 又感到痛苦了...

來緊 26/11 大專舊同學結婚, 之後 7/12 中學舊同學結婚, 再 29/12 同事結婚...
7/12 還要做兄弟~ 不過我都幾喜歡可以做兄弟~ 因為可以高高興興玩返一日~

11.08.2006

昨晚不太餓, 故去了老麥試新包 - 黑椒漢堡之激情回歸。看看這名, 這包似乎在以前推出過, anyway 我未食過就算是新吧...

和朋友一起去試這包, 朋友話加多兩塊芝士會好d; 而我就覺得 *唔好食*, 因為根本就係占滿黑椒汁既兩片牛扒, 再被麵包夾住而已... 麵包被汁浸軟了... 覺得一pat pat 咁... 有點後悔不吃最愛既雙層芝士孖寶... 價錢又平d.

最後買多4 隻雞翼, 一人兩隻吧了.

如果要比分~ 我相信係有 10 分既, 不過滿分為50 ...

11.07.2006

今時今日...你仲未裝防毒?

今時今日既電腦年代, Internet 之急劇發展下, virus / worm / hacker等都成為電腦用戶的威脅。

誰的電腦還未裝防毒軟件呢? 不論是裝正版或翻版也好, 總要有些預防。再者, 現時還有一些免費的防毒軟件供用戶下載使用。

沒有裝防毒的朋友, 究竟你的心態是甚麼?? 認為病毒不會對你有任何威脅? 你的資料不重要, 而電腦亦可以隨時recover? 或是... 你不知甚麼是防毒吧...

無論甚麼.. 防毒不單是保護自己... 更是保護整個 Internet 及其他使用者。因為有些病毒會隨著你使用Internet 時, 派發給其他網路使用者, 那時你便成了「病毒」了, 為禍整個Internet。

其實不單是防毒, 還要使用防火牆, 因為 worm 及 hacker 等, 都不像病毒的以被動形式侵入電腦 (例如使用者下載含病毒的軟件). hacker 是利用軟件 (例如 WINDOWS) 漏洞從網路進入你的電腦, 他們可能放下程式來看你做甚麼, 入過甚麼, 去過甚麼網站等; 或破壞你的電腦軟件及資料; 其他還有偷取你的個人檔案。

為倒塞軟件的漏動, 我們必需更新軟件或其修補程式。例如, WINDOWS 便要常常做 WINDOWS UPDATES.

總結一下, DODO都話「做好預防措施, 你我都得益」。ANTI-VIRUS + FIREWALL + WINDOWS UPDATES 是必然的事。ANTI-VIRUS 還是定時更新啊!!

p.s. 其實冇諗住打一大埋理論出來, 本來只係有感而發, 因為同事部notebook 及 desktop, 實在係太多太多.... virus ... 都唔明今時今日用電腦都唔裝呢d 軟件... 唉... 最慘拎到返來幫佢整~ 我都唔敢駁佢部腦上network...

rakion

rakion (www.rakion.net) 係一隻免費online fighting game. 唔洗用太多腦力既遊戲. 岩哂閒時發洩下. 比老闆屈完. 比女朋友鬧完. 甚至行行下街 pk 完. 只要打下呢隻game . 包你屈氣盡消! 呵呵呵

隻game的玩法主要分為
1) stage - 以 1 至4 人為組合, 在特定時間完成預設的戰場;
2) solo - 2 至 32 人同一時間互相對打，以達至預設的總kill 數;
3) team - 以team play 形式, 1 至 16 人為一team, 兩team人在特定時間及殺敵數量, 合力取得敵人的生命;
4) golem - 以team play 形式, 1 至 16人為一team, 兩team人在特定時間殺掉金高人, 取得金劍, 之後去殺掉敵人的golem;
5) boss - 以team play 形式, 1 至 16人為一team, 最高level 的隊員為boss, 各組員以合力殺掉對方的boss 及保護自己組的boss.

其他介紹就留返官網講喇 - http://www.rakion.net/

另外, 這間公司在開發rakion 前, 已開發了另一隻 game - gunbound ( http://www.gunbound.net/ ). 玩法與rakion 不同. 是以機械車, 由 2 至 8 人為一個game, 互相用特定武器來攻擊敵人.

travian.com

這是一隻 online game. 唔多講! 入去睇! http://hk.geocities.com/traviancity/

官方網 - http://www.travian.com/

11.06.2006

重量指數

06 Nov., 2006
===========
MO仔: 6.9 kg / 15.18 lbs (- 0.2kg)
賊仔: 5.0 kg / 11 lbs (+0.1kg)
炭仔: 5.0 kg / 11 lbs (+0.1kg)
肥丙: 4.5kg / 9.9 lbs (+0.1kg)
包: 5.0 kg / 11 lbs (+0.1kg)

25 Sept., 2006
===========
MO仔: 7.1 kg / 15.62 lbs
賊仔: 4.9 kb / 10.78 lbs
炭仔: 4.9 kb / 10.78 lbs
肥丙: 4.4 kg / 9.68lbs
包: 4.9 kg / 10.78 lbs

Mo仔減肥初步見成效. 目標為 6.0 kg. 要繼續努力!!!
其他各貓都重了 0.1 kg. 身材尚算滿意! 很標準!

11.01.2006

呀...

昨日拿notebook 來都已經攪了我一天... 今天拿來是 desktop ...

我的經驗值又會被提升了!!

軟件 - 千千靜聽

這是一個播放音樂軟件，支持 mp3 等音樂格式，real audio 也支援的。
我覺得最捧的是連歌詞都會跟著音樂展示出來 (需要連上 Internet )。

這軟件以簡體展示，但我在中文繁體xp 運行沒有問題，簡體字也能全部顯示出來。

*安裝建議 - 到安裝過程的尾聲，程式會預設安裝一免費提供之軟件。本人建議不用選擇安裝為妙。

10.31.2006

重陽節後群...

昨日是重陽節，很多人會一家大細去登高或拜祭先人。

不知是否同事們因為拜山而忘了照顧家中的電腦。電腦病倒了。

今早我踏入公司門口後，接二連三的有三位同事說... 我家中電腦出了問題。他們都搬了家中電腦回來，大夥兒目的都是給我去照顧一下。。。

一部 desktop, 兩部 notebook ..

一部中毒
一部不明死機
一部要取回檔案

似乎一個早上要送給他們了... 善哉...

10.27.2006

遺憾

很遺憾養不到你... 手套仔 (右一)....

在他們一個多月時，我們選中了包包及丙丙收養，而炭仔在偶然中是最後一名 (因為本來是在炭仔及手套仔中，二選一給朋友收養)，手套仔就給朋友家中賓賓的朋友收養了。

今日諗起手套仔，便問問朋友會唔會打聽到手套仔的生活狀況，點知竟然惡號來了... 朋友已沒有和賓賓續約... 從此... 他與賓賓失去聯絡... 手套仔亦不知所蹤了...

經常在想... 如果可以連手套仔都養埋就好了...

一直想他會否得到安好日子... 會不會住的環境差... 有沒有病... 身上及耳仔仲有沒有虱...

遺憾... 養不到他... 真是遺憾...

LINUX

Ubuntu 又出版了 - 6.10 . 今次好似冇上次咁分 server 或 workstation 版.
http://www.ubuntu.com/products/GetUbuntu/download?action=show&redirect=download

記得上一版 6.06 係分左 server 及 workstation 版. workstation 值得一提既係, 佢可以 live cd 形式來用, 又可以裝落pc. 其次仲可以BOOT 機時選 CHECK RAM .

講開 CHECK RAM. Ubuntu 都係用呢隻 PROGRAM - MEMTEST86. 個SOFTWARE 來自 http://www.memtest86.com/ , 呢個係 freeware. size 很少, 只是裝在一隻 1.44MB 既 FLOPPY 便可用。用佢來BOOT 機便會自己CHECK RAM . 暫時都覺得很可靠。

又講返 LINUX. SLAX 係一隻 LIVE LINUX. 即係只需用呢隻 SLAX LINUX CD BOOT 機, 便可以用到 LINUX, 有基本 LINUX 有既PROGRAM. 用佢來救機唔錯, 有 USB PLUG & PLAY SUPPORT. 不過冇中文FILE NAME SUPPORT...

10.26.2006

賴皮四

前日同事講我知，果個人又話佢做漏野...

大家心知肚明係邊個既錯，咪又係果個人囉...

一時又話還返哂d 野~ 一時又話同事冇收齊。總之就賴皮喇 ...

用notebook 可以爆screen ... 第二部就爆 pcmcia 既 button ... notebook 火牛又用到唔見埋... 仲要問你可唔可以比過隻佢... 完全冇歉意既...

真係無奈...

10.24.2006

她很可愛~ 亦很可惡

她愛說話, 也愛咀嚼...

幼電線, 喇叭線, 今次是電話線...

可憐的麵包超人電話... 經過她的咀咀後... 已經廢了武功...

今晚.. 我嘗試救救你吧... 你要撐住呀.....!!!

肥丙已在昨晚得到她應得的教訓... 我會放過你的... 因為你太可愛了~ hehe

玩具

昨日行灣仔, 在玩具店逛逛便有以下收獲..

兩件高達既價錢嚇人... 可能係假的.. 亦有朋友話可能係死貨 (即係好耐都賣唔出的貨)

另外的飛機模型.. 大概是我小學的玩意.. 如今以$3 買回回憶.. 真過隱啊!

對號入座

"越來越憎口沒遮攔既人！"

從朋友的blog 中看到這字句 ~ 當中有兩人留了 comment.

有人留了問 : 斷估...唔係我掛@@?

以上問題, 我估識blog 主的人都會咁自問吧... 大家都對號入座..

我都想知係咪我, 因為我都有同佢傾計.. 不過我只會心問吧...
就算問了, 試問blog 主又點會答呢... 如果真係你.. 更加唔會答吧... 正傻瓜...

哈囉喂 2006

剛收到同事的哈囉喂 2006 photo link ~

今年終於又返來哈囉喂了~ 點解又話返來?! 因為往幾年都有去~ 只係上年miss 左~

今年我地成班同事都早左去~ 在 13/10 (五) 就去玩了!

入場費為 HKD$195, 過幾日後就 HKD$245 ~

因為要等舊同事放工~ 所以要等到成 8 點先入場~

由正門入~ 有點後悔~ 因為前門係冇乜野玩既~

在往纜車站時~ 路過一間鬼屋 (唔記得乜名...)~ 咁梗係入去玩喇~ 排隊時都隱約聽到有 "噓噓" 聽~ 不過因為條龍唔長~ 所以都照排~ 好快就入到去~

鬼屋內容... 一開始.. 有個似野人既女子被綁於大樹~ 大聲講左一大埋說話 (大約係我唔想死, 放我走) ~ 大叫後成場黑哂~ 之後有d 不明來歷既水向我面灑過來~ 之後工作人員就拉布簾走人~ 此時大夥兒都媽聲四起~ 真係 waste 時間...

之後去到另一邊山~ 變左玩機動遊戲~ 不過夜晚玩又真係另有一番風味~ 尤其越礦飛車~ 好似未玩過咁~ 哈哈~~

由於有人想玩鬼屋~ 有人想玩機動遊戲~ 故我們 14 人分成兩批去玩~

玩完機動遊戲就去會合玩鬼屋同事~ 大約十一點多就去第二間鬼屋 (鬼屋隊玩第三個了) ~ 呢個好似嚇人d ~ 不過因為我地太多人~ 自己人都嚇自己人~ 攪到d 鬼都唔嚇人~ 呵呵呵~

最後睇埋個舞台劇表演後就走了... 果陣都已十二點...

本來入場前話之後去唱k ~ 點知個個累到都唔想再落去~ 連食宵夜都冇力~ 咁... 回家吧...